víst er kaffið gott

Mörgum þykir kaffið gott,
hressir bætir kætir.
Jammi jammi jammi já,
Hressir bætir kætir.
Höf. ókunnur.

Lítið gagn í kaffibollanum

!

...

Uppgjör!

Ég búinn að fara í gegnum allar breytingar á Windows frá útgáfu 1.0. Í fyrsta skiptið hef ég ekki sett mig inní breytingarnar á Windows stýrikerfinu sem kemur út í Vista. Áður en útgáfa 1.0 af Windows kom út fylgdist ég með hvort yrði ofaná DOS eða IBM.
DOS var að mestu diska stjórnun. Síðan kom Windows með einfalt glugga notendaviðmót og síðan með fjölvinnslu.

Í gegnum tíðina hefur barátta staðið um hvort gögn og vinnsla eigi að vera miðlæg eða á hverri vél fyrir sig. Niðurstaðan er bland af hvoru tveggja eftir stærð og umfangi hvers og eins notanda. Þar lagar markaðurinn sig að aðstæðum.

Nokkur stýrikerfi hafa verið í boði svo og mismunandi vélbúnaður. Kostur Windows hefur alltaf verið möguleikinn á að keyra á PC-vélum sem aðrir framleiða. Í þau skipti sem ég hef uppfært yfir í nýja Windows útgáfu hefur ég þurft einsog aðrir að uppfæra stýrikerfið til að laga galla, svo ég tali nú ekki um vírus varnir.

Makka umhverfið hefur alla tíð haft sýna sérstöðu og mun færri rekstrar vandamál. Núna er hægt að fá Makka með Windows XP umhverfi þannig að Makkinn brúar bil tveggja heima.
Aftur móti hefur Office pakkinn frá Microsoft haft sterka markaðsstöðu, en þann pakka er líka hægt að fá fyrir Makka.

Mér sýnist Microsoft vera að loka notendur af í sýnu umhverfi en Apple vera að opna leiðir fyrir notandann svo og auðvelda notkun og tengingar við jaðartæki.

Niðurstaðan er: ég kaupi Mac. !!! Bæ Bæ Gates i'm gong to Jobs!

Vista sagt hamla skilvirkni

Heiðmerkurljóð

Ég fékk þetta sent og deili með ykkur.
Ég veit ekki hvort eigi að kalla þetta drápu eða ljóð!.

Gunnar hefur holdin best
hulin vænni puru
Sagður elska ýtur mest
en ekki greni og furu
Kópavogi ríkur réð
með ráðslag allt til sóma
Undirhöku hnellna með
og heldur digurróma
Reykjavík er ríki eitt
sem ræflar einir byggja
og gera flestum lífið leitt
og landsmenn aðra hryggja
Dólgar réðu veitu vatns-
og vildu á henni græða
Þá mælti Gunnar mikið hvass:
"Vér munum eigi blæða"
Sendi ýtur allar skjótt
- ítem gröfur vænar -
upp í Heiðmörk undir nótt
og atti á hlíðar grænar
Það frétti peysu- lopa- lið
og lagsmenn kommúnista
og upphóf skjótt að sínum sið
að senda kæru lista
Engra griða Gunnar bað
- geystist skjótt í slaginn -
féndur alla í kútinn kvað
í Kastljósi um daginn
Skelfir Gunnar skógarmenn
sem skæður refsilogi
Sílspikaður situr enn
í sæmd í Kópavogi

Höfundur ókunnur.

Svifryksmengun.

þetta er flott orð yfir drullu og ryk. Borgaryfirvöld eru með alla sópa ónotaða og segjast ekki geta notað þá. Ástæðan er að það þarf að bleyta í rykinu svo hægt sé að sópa göturnar. Við það frjósi vatnið og göturnar verða hálar. þess vegna geti þeir ekki sópað göturnar. Hvaða rugl er þetta. Er ekki betra að hafa smá klaka frekar en þennan mökk sem leggst á alla bíla og berst inn í hús. Svo ekki sé talað um okkur sem öndum drullunni að okkur og fáum þetta í fötin. Bílar, hús og menn verða drulluskítug eftir einn dag í borginni. Þeir sem um borgina aka sjá að það eru drullukantar meðfram öllum götum. þegar ekið er útvið kanta þá þyrlast rykið upp. Menn geta efnagreint þetta og skammast útí nagladekk en gera ekkert til að laga hlutina. Það sem þarf að gera er að sópa göturnar. Notið saltpækil á sópana, þá frýs vatnið síður. Einnig getur borgin örugglega notað betri efni í vegina. En til að bjarga hlutunum núna þá segi ég og skrifa. Sópið upp drulluna!!!!

Dregið hefur úr svifryksmengun í dag

Kaupþing >1000

Til hamingju. Þetta eru bara snillingar sem vinna í þessum banka. Kaupþing var smáfyrirtæki í miðlun með hlutabréf. Keypti gjaldeyrisleyfi af Sparisjóði Önundarfjarðar. Keypti síðan banka hér og þar og græðir á öllu saman.
Og ég sem var hugsi um við spurninguna sem ég fékk í skóla "verður bókvitið í askana látið"

Lokagengi bréfa Kaupþings yfir 1000

Hagvöxtur, kaupmáttur, skattar og lýðræði.

Við félagarnir mælum núna árangurinn í þjóðfélaginu á okkur sjálfum. Einu sinni á ári þegar við hittumst leggjum við spilin á borðið og reiknum út hagvöxtinn í hópnum og förum yfir reglur vinahópssins.
Þetta höfum við gert frá því við útskrifuðumst og höfum haldið þá reglu að hittast til að borða saman. Í upphafi var ákveðið að allir borguðu jafnt. 5.000,- kr fyrir matinn en það var verðið fyrir hamborgaramáltíð með frönskum. Það eru núna 50 ISK. eftir gjaldmiðlabreytinguna.
Nú það er að frétta af okkur að einn í hópnum bætti við sig vinnu og tvöfaldaðist í tekjum. Annar fór á hausinn með fyrirtækið sitt eftir að rúmenar undirbuðu hann. Sá þriðji fékk vinnu í KRbanka og er á prósentum. Aðrir hafa ekki hreyft sig í vinnu á milli ára.
Sá atvinnulausi og sá duglegi jafna hvorn annan út en KRbankamaðurinn eykur hagvöxtinn töluvert í hópnum. En hann er á jafn miklu kaupi og við allir hinir til samans.
Við komumst að þeirri niðurstöðu að kaupmáttur hefur aukist mikið í hópnum, atvinnuleysi reyndar eitthvað en það er viðráðanlegt. Samneyslan hefur þó aukist mest þar sem veislurnar eru helvíti flottar miðað við hamborgarann sem var í fyrstu veislunni, enda ekki nema von í öllu þessu góðæri. Núna getum við veitt okkur það flottasta sem er á matseðlinu. Feitar steikur með rándýrum vínum og koníaki sem engin man hvað heitir enda flestir fullir í veislunni.
Nú svo er komið að reikningnum. Allir borga auðvitað jafnt einsog við gerðum í upphafi eða 50 kr. Sá duglegi í tvöfaldi vinnu borgar reikninginn fyrir þann atvinnulausa en KRbankamaðurinn borgar jafnt á móti okkur hinum eða helminginn af reikningnum.
Atkvæðagreiðslan um fyrirkomulag næsta árs gengur greiðlega fyrir sig. Allir nema einn eru sammála um að breyta fyrirkomulagi næsta árs. Reyndar finnst honum ekki eins skemmtilegt og okkur hinum og eitthvað að pípa um flytja. Við trúum ekki að hann geri það því hér er svo gott að vera. Hvergi meiri hagvöxtur, atvinnuleysi lítið og samtrygging góð.

Klámráðstefna og aðrar ráðstefnur.

Nú er ferðaþjónustan að eflast sem aldrei fyrr.
Fjölgun ferðamanna er aðalmottóið. Það er mikill bísniss í klámiðnaðinum og það er ferðaþjónustan að nýta sér.
Ég vill líka benda ferðaiðnaðinum á að allskonar hriðjuverkahópar eiga líka erfitt með að fá aðstöðu og sjálfsagt að bjóða þeim líka aðstöðu hér á landi eða er það ekki. Meðan þeir funda um starfsemi sýna eru þeir auðvitað ekki að gera neitt ólöglegt.
Við gætum þess vegna boðið þeim að prufa tækni sýna á hálendinu því það er svo óspillt og hreint. Okkur er hvort eð er sama hvernig ferðamenn ganga þar um það.
Aðalmálið er að fá sem flesta til landssins.
Forsetinn ætti að taka á móti þessu fólki þar sem hann les stjórnarskránna sem orðhengilshátt og er því ekki háður lögum einsog við hin.
En þetta er auðvitað allt orðhengilsháttur.

Ekki hægt að hefta för klámframleiðenda hingað

Umferð og mengun..

Það fer ekki framhjá nokkrum manni sem í borginni er, sú mengun sem er af bílum og umferð bíla.
Öll umræðan hefur snúist um að takmarka notkun bíla, leggja skatt á nagladekk, minnka útblástur, nota bíla sem ekki eru til og þar fram eftir götunum.
Allar syndirnar eru hjá ökumönnum og bíleigendum.

En ég spyr. Hvernig standa yfirvöld sig?

Hvers vegna sópa yfirvöld ekki upp drulluna sem er í öllum vegköntum?
Hver eru gæði þeirra efna sem við keyrum á?
Af hverju er borin út tjara í göturnar þegar við getum notað önnur sterkari efni einsog steypu?

Ég er nokkuð viss um að borgaryfirvöld gætu minnkað stórlega mengun með því hreinlega að sópa upp drullunni sem á götunum.