Landið og lífið.

Hér er enn ein myndin af netinu. Myndin er tekin af síðu ESA: "European Space Agency".

 

Myndin sem er tekin 21 júní 2004, sýnir vel þörungablóma við suð-vesturland og útaf suðurlandi.  

 Ljósbláu og grænu flekkirnir eru þörungablómi. Einsog segir réttilega í greininni er lífmassinn í þörungablómanum meiri en allur annar lífmassi við Ísland.

Takið eftir grænu hringamyndunum við suðurlandið. 

Sjá link.:.http://earth.esa.int/cgi-bin/satimgsql.pl?show_url=274&startframe=0

Athugasemdir

[Níels A. Ársælsson., 26.3.2007 kl. 00:41]

Uppistaðan í næringu hörpudisksins við Ísland kom úr svo kölluðum grænþörung. Það er beint samband á milli viðkomu grænþörunga og hruns í hörpuskelstofninum við Ísland og veiða á loðnu í flottroll. 1994 hófust gengdarlausar veiðar á loðnu í flottroll og loðnan náði ekki að ganga inn á Breiðafjörð nema það árið og síðan hefur stöðugt sigið á ógæfuhliðina. Það var fyrst í fyrra sem smá spýja af loðnu kom inn á Breiðafjörð síðan 1994. Grænþörungar lifa fyrst og fremst á rotnandi loðnu. Hver er þá ástæðan fyrir hruni hörpuskelstofnsins í Breiðafirði og yfir höfuð við Ísland Svanur ?

[Svanur Guðmundsson, 26.3.2007 kl. 01:07]

ehemm. Ef ég á að svara þessu út frá staðhæfingum þínum þá siglir ég í strand.

Mig minnir að aðalástæðan fyrir hruni hörpudisks í Breiðafirði hafi verið hækkun hitastigs og þá sérstaklega í norðurhlutanum þar sem grynnra er.

Annað er að grænþörungar lifa á næringarefnum og söltum sem þyrlast upp af hafstraumum svo og af sólarljósi.

Bíddu var þá síldin sem var inná Grundarfirði, um 400 þúsund tonn, að flýja flottroll?

[Níels A. Ársælsson., 26.3.2007 kl. 02:04]

Nei, það er ekkert samhengi þar á milli. Hörpudiskstofnin hrundi vegna ofveiði loðnu. Farðu á vef nasa og sjáðu þetta 30 ár aftur í tímann. Hækkun hitastigs er Hafró lygi og hefur ekkert með þetta að gera. Hækkað hitastig hefði átt að leiða til aukins vaxtar í stofninum.

[Níels A. Ársælsson., 26.3.2007 kl. 02:11]

Í Breiðafirði eru upprunalegar og náttúrulegar hryggningarstöðvar loðnunnar í gegnum aldinar. Hvað heldur þú að það geri þegar þessu ferli er kippt úr sambandi ?

[Svanur Guðmundsson, 26.3.2007 kl. 12:26]

Nilli minn! Ekki ætla ég að þykjast vita betur en aðrir um vistkerfi hafsins. Aftur á móti veit ég það að Hafró lýgur ekki um hitastig og hitamælingar í Breiðafirði. Mig minnir að megin hrygningarstöðvar loðnu eru við suður og suð-vesturland. Loðnan hefur stundum já hryngt inná Breiðafirði. Það hefur ekki úrslitaáhrif um viðgang hörpudisks. Ástæða hruns stofnsins er miklu líklegra hitabreytingin einsog eitthvað annað.

[Helga Sigrún Harðardóttir, 26.3.2007 kl. 13:59]

Heyrðu Svanur. Ég er ekki svo mikið inn í umræðunni um lífmassa þörungablóma en þetta er í það minnsta svaka fín mynd!! Það er nefnilega verulega mikið grænt í henni, sem er gott.... Þetta er nefnilega ekki vinstri-grænt.

[Svanur Guðmundsson, 26.3.2007 kl. 14:09]

Rétt. Bara grænt og blátt hafið við landið. Og sá græni í hring. Annars veit ég ekki hvaða litur er á vinstri eða hægri grænu.

[Níels A. Ársælsson., 26.3.2007 kl. 16:49]

Ég átti ekki við að Hafró væri að ljúga til um hitastig heldur að orsökin fyrir dauðanum væri  ekki hækkandi hiti.