Þannig er það því miður ekki því að starfsmaður kostar meir en bara launin og það vita menn sem eru og hafa verið í atvinnurekstri. (þeas einstaklingar "person non grata" hjá ríkisstjórn).
Það eru örugglega mörg gæluverkefnin sem við höfum verið með í gangi hér á landi meðan við lifðum í okkar gerfi velmegun í þeim sýndarveruleika sem þjóðin var í.
Það er nauðsynlegt að spóla til baka og endurskilgreina verk og vinnu allra. Einstakling, fyrirtækja, sveitarfélaga og ríkis.

Tekið af síðunni fjolskylda.is
Hverjir geta óskað eftir greiðsluaðlögun?

Einungis einstaklingar geta óskað eftir greiðsluaðlögun þ.e. félög eða aðrir lögaðilar geta ekki óskað eftir greiðsluaðlögun. Þá má einstaklingur ekki hafa stundað sjálfstæðan atvinnurekstur undanfarandi þrjú ár nema því aðeins að atvinnurekstrinum hafi verið hætt og þær skuldir sem frá atvinnurekstrinum stafa séu tiltölulega lítill hluti af heildarskuldum hans.

Þá er það skilyrði að skuldari sé um fyrirséða framtíð ófær um að standa í skilum með skuldir sínar. Greiðsluaðlögun er því ekki úrræði fyrir þá skuldara sem eiga í tímabundnum greiðsluerfiðleikum eða þegar andvirði eigna hans er minna virði en sem nemur skuldum hans. Sú aðstaða ein og sér að eignir skuldara séu minna virði en skuldir hans getur því ekki réttlætt greiðsluaðlögun.

http://www.fjolskylda.is/fjarmal/spurt-svarad/Greidsluadlogun/#

Ég spyr, erum við ekki með samning við EU, um samkeppnisstöðu fyrirtækja og fleira.

Veiðistjórnunarsvið Umhverfisstofnunar ætti að taka við Fiskistofu og Hafrannsóknarstofnun. Þeir sjá strax á fyrstu mínútum veiðitímans að rjúpnastofninn er hrunin. Auðvitað er það augljóst af innslætti veiðimanna í netskýrslum sem þeir skráðu inn fyrir kl 12:06 í dag (en þá er fréttin skráð á mbl.is) þeas þeir sem ekki tíndust á fjalli að rjupnastofninn er 70% af því sem hann var 2005. Að sama skapi ættu þá að vera töluvert meira af rjúpu hér á Reykjanesskaganum þar sem hún hefur verið friðuð.
Hafrannsóknarstofnun sér hrun þorskstofnins þrátt fyrir að veiði á úthaldsdag hafi aukist samkvæmt innsendum veiðiskýrslum frá sjómönnum til Fiskistofu og eiga í bölvuðu basli með að sjá hvert stefnir. En það er annað uppá teningnum hjá Veiðistjórnunarsviði Umhverfisstofnunar. Ekki man ég hvernig veðrið og snjóalög voru í fyrra þegar rjúpnaveiðin byrjaði en það er örugglega með í dæminu hjá þeim. Þarna eru menn sem kunna að reikna. Kanski við sendum þá líka í Seðlabankann.